Myanmar Idol Season 1 ရဲ့ 1st runner up ဖြစ်တဲ့ နင်ဇီမေကတော့ ယခုနှစ်အတွင်း သူ့ရဲ့ တကိုယ်တေးစီးရီး ထွက်ဖို့ရှိတယ်လို့ ဧရာဝတီကို ပြောပါတယ်။
“အခွေလေး လုပ်နေတယ်။ အခွေကလုပ်နေတာ ပြီးသလောက်ရှိနေပြီ။ Mixing စောင့်တယ်၊ ပရိသတ်လက်ထဲ ထည့်နိုင်မယ့် အချိန်ရောက်ရင်တော့ အသိပေးပါ့မယ်။ ဒီနှစ်အတွင်းတော့ ထွက်မှာပါ”လို့ နင်ဇီမေက ပြောပါတယ်။
တကိုယ်တော်အခွေမှာတော့ ရော့ခ်သီချင်းများနဲ့ သီချင်းအေးအေးအေးများပါဝင်မှာဖြစ်ပြီး သူ့ရဲ့ အစ်မဖြစ်သူ ကလည်း စုံတွဲပါဝင်သီဆိုထားတယ်လို့ ပြောပါတယ်။
သူက အနုပညာလှုပ်ရှားမှုအနေနဲ့တကိုယ်တော်အခွေလုပ်နေတဲ့အပြင် MPT နဲ့အတူ သီချင်းတွေလိုက်ဆိုနေပြီး ပွဲတွေဖိတ်ရင်လည်း ဆိုဖြစ်ပါတယ်လို့ ပြောပါတယ်။
Myanmar Idol က အဆိုရှင်များ သရုပ်ဆောင်ဘက်မှာ တွေ့မြင်နေရတဲ့အတွက် သရုပ်ဆောင်တာနဲ့ပတ်သက်ပြီး နင်ဇီမေကို မေးကြည့်တဲ့အခါ “ရုပ်ရှင်ရိုက်ဖို့က နင်ဇီကသိပ်မသေချာဘူး။ သီချင်းဆိုတာပဲ ကိုယ်နဲ့ပိုပြီး ထိတွေ့မှုများတယ်။ သရုပ်ဆောင်တဲ့အပိုင်းကတော့ မကျွမ်းကျင်တဲ့အပိုင်းပေါ့။ ကမ်းလှမ်းလာရင်တော့ အခြေအနေ ပေါ်တော့ ကြည့်ရမှာပေါ့။ မလုပ်ဖြစ်ဘူးတော့မဟုတ်ဘူး။ လုပ်ဖြစ်မယ်လည်းမဟုတ်ဘူးပေါ့။ အခြေအနေပေါ် မူတည်မှာပါ”လို့ ဆိုပါတယ်။
The post ၂၀၁၇ အတွင်း တကိုယ်တော်တေးစီးရီးထွက်မယ့် နင်ဇီမေ appeared first on ဧရာဝတီ.