လက်ရှိ မြန်မာ့ရုပ်ရှင်လောကအပေါ် မကြာခဏဝေဖန်ထောက်ပံ့လေ့ရှိတဲ့ ဒေါ်ဆွေဇင်ထိုက်က မကြာခင်ပြသတော့မယ့် “နေရယ်၊ လရယ်၊ အမှန်တရားရယ်”ဇာတ်လမ်းတွဲကို ထုတ်လုပ်ခဲ့သူလည်းဖြစ်ပါတယ်။
“ Season 1 တုန်းကတော့ ကျမတို့က ၂၀၁၅ ခုနှစ်ရွေးကောက်ပွဲကို ရည်မှန်းပြီးတော့ ရွေးကောက်ပွဲ ပညာပေးအနေနဲ့ ၁၀ ပိုင်း လွှင့်ခဲ့ပါတယ်။ Season 2 ကတော့ တရားဥပဒေစိုးမိုးရေးကို ဦးစားပေးရမယ်ဆိုပြီးတော့ လူအများသိအောင်လို့ ကျမတို့ မြေယာပိုင်ဆိုင်မှု အကြောင်းပါမယ်။ သက်ငယ်မုဒိမ်း အကြောင်းပါတယ်။ လူကုန်ကူးမှု အကြောင်းပါတယ်”
” နောက် Season 3 ကိုတော့ ကျမ ‘ အဂတိ ‘ လိုက်စားခြင်းဆိုတဲ့ Direction ကိုပြောမယ်လို့ စိတ်ကူးနေပါတယ်။ ဒီဇာတ်ကားမှာ ပါတဲ့သူတွေ အားလုံးက Salary ရပါတယ်။ ရတဲ့သူတွေကို ပေးတဲ့ Salary ဟာ အချိန်ကို ဘလော့ လုပ်ရတာ၂ လ ဖြစ်တဲ့အတွက် သူတို့ကို ပေးရတဲ့ Salary ထက် ၃၀% ၄၀% ပိုပေးပါတယ်။ ကျမကတော့ ပရိုဂျူဆာက တပြားမှမယူပါဘူး” လို့ ဒေါ်ဆွေဇင်ထိုက်က ပြောပါတယ်။
‘နေရယ်၊ လရယ်၊ အမှန်တရားရယ် ‘ ခေါင်းစဉ်အောက်က ရိုက်မယ်ဆိုရင် ဒါရိုက်တာအောင်ကိုလတ်နဲ့ပဲ ရိုက်ကူးမှုပြုလုပ်မှာ ဖြစ်ကြောင်းပြောပါတယ်။
“ကိုအောင်ကိုလတ်နဲ့ပဲ ပထမ Season 1 တုန်းကလည်း ရိုက်တယ်။ Season 2 လည်း ကိုအောင်ကိုလတ်နဲ့ ပဲရိုက်တယ်။ နောက်’ နေရယ်၊ လရယ်၊ အမှန်တရားရယ်’ ခေါင်းစဉ်အောက်ကရိုက်မယ်ဆိုရင် ကိုအောင်ကိုလတ်နဲ့ ပဲရိုက်မှာပါ။ ပထမ Season 1 တုန်းကတော့ လန်ဒန်ကရှေ့နေကြီး တယောက်နဲ့ ဇာတ်ညွှန်းရေးဆရာတယောက် သူတို့ ၂ ယောက်ကနေ ပြီးတော့ ရေးခဲ့တဲ့ ဇာတ်လမ်းပေါ့။ အဲ့ဒီဇာတ်လမ်းကိုမှ ကျမတို့ Dialog တွေထည့်တဲ့ အလုပ်ပဲ လုပ်တာပေါ့နော်”
“အခု Season 2 မှာတော့ ဇာတ်ညွှန်းရေးဆရာနဲ့ ရှေ့နေကြီးက အိုင်ဒီယာပဲပေးတာပေါ့နော်။ ကျမတို့က ဒီမှာအခြေအနေတွေကို ထည့်တယ်။ Yangon Film School က ကလေးတွေနဲ့ သူတို့ရဲ့ Supervisor အောက်မှာ Team အလိုက်ဇာတ်ညွှန်းရေးတတ်ဖို့ နည်းလမ်းတခုကိုလုပ်ပါတယ်။ အဲ့ဒီကနေ ထွက်လာတဲ့ ဇာတ်ညွှန်းကိုပဲ ကျမတို့ ရိုက်ကူးတာဖြစ်ပါတယ်။ ဒါကြောင့် Season 2 ရဲ့ ဇာတ်ညွှန်းဟာ ပိုပြီးတော့ မြန်မာဆန်တယ်လို့ပြောရမှာပါ” လို့ပြောပါတယ်။
အပိုင်း ၁ မှာ ကတည်းက အောင်မြင်ခဲ့တဲ့ နေရယ်၊ လရယ်၊ အမှန်တရားရယ် ရုပ်သံဇာတ်လမ်း အပိုင်း ၂ ကို လာမယ့် စက်တင်ဘာလ ၅ ရက်နေ့မှာ စတင်ပြီး MRTV ရုပ်သံလိုင်းမှာ စတင်ပြသတော့မှာဖြစ်တယ်လို့ သိရပါတယ်။’
နေရယ်၊ လရယ်၊ အမှန်တရားရယ် ‘ဇာတ်ကားထဲမှာတော့ သရုပ်ဆောင် ဘုဏ်းသိုက်၊ နေယံ၊ မိုးယံဇွန်၊ ဆုပန်ထွာ၊ ခင်ဇာခြည်ကျော်နှင့် သရုပ်ဆောင်များစွာ ပါဝင်တယ်လို့ သိရပါတယ်။
The post “နေရယ်၊ လရယ်၊ အမှန်တရားရယ်” ဇာတ်လမ်းတွဲကို ထုတ်လုပ်ခဲ့တဲ့ ဒေါ်ဆွေဇင်ထိုက် appeared first on ဧရာဝတီ.