သင်ဟာ Selfie ရိုက်ရတာကိုလည်း ဝါသနာပါပြီး ပုံလှလှလေးတွေ မရရှိလို့ စိတ်အနှောင့်အယှက် ဖြစ်နေရတယ် ဆိုရင်တော့ အခုဖော်ပြပေးမယ့် Selfie ရိုက်တဲ့အခါ လိုက်နာရမယ့် အချက်တွေကို ဖတ်ရှုကြည့်ရင်း ပြန်လည်အသုံးချ စေနိုင်ဖို့ မျှဝေပေးလိုက်ပါတယ်။
(၁) SPF ပါဝင်တဲ့ Sunscreen ဒါမှမဟုတ် တခြားသော ခရင်မ်တမျိုးမျိုး လိမ်းထားမယ်ဆိုရင် Selfie ရိုက်တဲ့အခါ flash မီးဖွင့်ပြီး မရိုက်ဖို့ အကြံပြုချင်ပါတယ်။ မျက်နှာပေါ်မှာ လိမ်းထားတဲ့ ခရင်မ်တွေကြောင့် flash မီးဖွင့်ပြီး Selfie ဆွဲတဲ့အခါ မျက်နှာအဆီပြန်သလို ပြောင်ပြောင်လက်လက်ဖြစ်နေတတ်လို့ပဲ ဖြစ်ပါတယ်။
(၂) ပြီးပြည့်စုံတဲ့ Selfie ပုံတပုံရဖို့အတွက် ကင်မရာရှုထောင့်ရွေးချယ်မှုကလည်း အရေးကြီးပါတယ်။ ဥပမာ- မေးနှစ် ထပ်ဖြစ်နေသူတယောက်အတွက် ဆိုရင်တော့ ကင်မရာကို အပေါ်စီးကနေ ထားရှိပြီး နဖူးနဲ့ တန်းတန်းမတ်မတ် အနေအထားမှာ ထားရှိခြင်းက အသင့်တော်ဆုံးဖြစ်ပါတယ်။
(၃) Selfie ရိုက်တဲ့အခါ သင့်ဆံပင်တွေကို ရွှဲရွှဲကပ်ကပ်ဖြစ်နေတဲ့ ပုံစံမျိုးဟာ ကြည့်ရဆိုးစေတာကြောင့် Selfie ရိုက်ကာနီးမှာ ဆံပင်တွေကို အနည်းငယ်ဖွပြီး ရိုက်ခြင်းက သဘာဝကျကျ လှပနေစေမှာ ဖြစ်ပါတယ်။
(၄) Selfie ရိုက်တဲ့အခါ လိုတာထက်ပိုပြီး ပြုံးရယ်နေခြင်းဟာ မျက်လုံးတွေကို ကျဉ်းမြောင်းသွားစေတတ်သလို မျက်နှာနဲ့မျက်လုံးအောက်မှာရှိတဲ့ အရေးအကြောင်းတချို့ကိုလည်း ပေါ်စေတာကြောင့် အလွန်အကျူး ပြုံးရယ်ခြင်း မျိုးကို ရှောင်ရှားသင့်ပါတယ်။
(၅) မျက်တောင်ခဏခဏခတ်ခြင်းဟာလည်း ပြီးပြည့်စုံတဲ့ Selfie ပုံတပုံအတွက် အနှောင့်အယှက်ဖြစ်စေပါတယ်။ အဲဒါကြောင့် Selfie မရိုက်ခင်မှာ မျက်လုံးတွေကို ခဏလောက်မှိတ်ထားပြီးမှ ရိုက်ယူခြင်းက အသင့်တော်ဆုံးပဲ ဖြစ်ပါတယ်။
(၆) Selfie ပုံထဲမှာ သဘာဝကျကျ လှပနေစေဖို့အတွက် သင့်မျက်နှာပေါ်မှာ ပန်းသွေးရောင် ပါးနီအနည်းငယ် လိမ်းခြယ်ပေးခြင်းက ကူညီပေးနိုင်မှာ ဖြစ်ပါတယ်။ ဘာလို့လဲဆိုရင်တော့ ပါးနီလိမ်းခြယ်ထားခြင်းက လူငယ်ဆန်စေသလို ပေါ့ပေါ့ပါးပါးနဲ့ အထာကျနေစေလို့ပဲ ဖြစ်ပါတယ်။
(၇) Selfie ပုံကောင်းတပုံရရှိစေဖို့အတွက် နောက်ထပ်အရေးကြီးတာတခုကတော့ သင့်အနေနဲ့ နှုတ်ခမ်းနီကို အရောင်ရင့်ရင့်ဆိုးမယ်ဆိုရင် မျက်လုံးကို အရောင်ခပ်နုနု ခြယ်သပေးခြင်းက သင့်ကို Selfie ပုံထဲမှာ ပိုမိုလှပနေစေမှာ ဖြစ်ပါတယ်။
Ref. timesofindia.indiatimes.com
The post ပြီးပြည့်စုံတဲ့ Selfie အလှပုံတပုံ ရရှိစေဖို့ လိုက်နာရမယ့် အချက် ၇ ချက် appeared first on ဧရာဝတီ.