ကွယ်လွန်သူအဆိုတော် မိုက်ကယ်ဂျက်ဆင်ကို ဂုဏ်ပြုပြီး လမ်းနာမည် ပေးမည်

ကမ္ဘာကျော်အဆိုတော် မိုက်ကယ်ဂျက်ဆင် ကွယ်လွန်ခဲ့တာ ဆယ်စုနှစ်တခုနီးပါးကြာခဲ့ပြီ ဖြစ်ပေမယ့် ကွယ်လွန်သူ ပေါ့ပ်ဘုရင်ကြီးကို ဂုဏ်ပြုနေကြဆဲ ဖြစ်ပါတယ်။

အခုတော့ အဆိုတော် မိုက်ကယ်ဂျက်ဆင်နဲ့ သူတို့ ညီအကိုတွေပေါင်းပြီး The Jackson Five အဖွဲ့ကို စတင်တည် ထောင်ခဲ့ရာ နေရာဖြစ်တဲ့ အမေရိကန်နိုင်ငံ Detroit မြို့မှာ ရှိတဲ့ လမ်းတခုကို နာမည်ပေးဖို့ ဆောင်ရွက်ခဲ့ကြပြီ ဖြစ်ပါတယ်။

အေပီသတင်းတခုရဲ့ အဆိုအရ Detroit မြို့လယ်က Randolph Street လမ်းပိုင်းတခုကို Michael Jackson Avenue လို့လာမယ့် ဇွန် ၁၅ ရက်မှာ ကျင်းပမယ့် ပွဲတခုအတွင်းမှာ နာမည်ပေးမှာ ဖြစ်တယ်လို့ ဆိုပါတယ်။ အဲဒီလိုမျိုး ဂုဏ်ပြုတဲ့ အခမ်းအနားကိုတော့ အဆိုတော် Jackson ရဲ့ ကျန်ရှိတဲ့ ညီအကိုတွေ ဖြစ်တဲ့ Jackie, Tito, Jermaine နဲ့ Marlon တို့က တက်ရောက်မှာ ဖြစ်ပါတယ်။ သူတို့ဟာ လာမယ့်လအတွင်း ကျင်းပမယ့် Detroit ဂီတဖျော်ဖြေပွဲမှာလည်း ဖျော်ဖြေကြဦးမှာ ဖြစ်ပါတယ်။

ကွယ်လွန်သူ အဆိုတော် မိုက်ကယ်ဂျက်ဆင်တို့ မိသားစုဟာ မူရင်းက အင်ဒီယားနားပြည်နယ်၊ ဂယ်ရီမြို့က ဖြစ်ပေမယ့် အဆိုတော် ဂျက်ဆင် အသက် ၉ နှစ်သားအရွယ် ၁၉၆၈ ခုနှစ်မှာ Motown ကုမ္ပဏီနဲ့ The Jackson Five အဖွဲ့ လက်မှတ် ရေးထိုးခဲ့ပြီး “I Want You Back” နဲ့ “ABC” လိုမျိုးသီချင်းတွေကို ဖန်တီးခဲ့ပါတယ်။

သူ့တဘဝလုံးကို ပြောင်းလဲသွားစေမယ့် “Off the Wall” အယ်လ်ဘမ် အပါအဝင် အစောပိုင်း တကိုယ်တော် ဖန်တီးမှုတွေကို Motown နဲ့ပဲ ဖြန့်ချိခဲ့ပေမယ့် သူ့ရဲ့ အကြီးမားဆုံး အောင်မြင်မှုတွေက Sony ကုမ္ပဏီနဲ့ လက်မှတ်ထိုးပြီး နောက်ပိုင်းမှ ဖြစ်ပါတယ်။ Sony ကုမ္ပဏီနဲ့ လက်တွဲပြီး ကမ္ဘာပေါ်မှာ ရောင်းအားအကောင်းဆုံး အယ်လ်ဘမ်အဖြစ် စံချိန်တင်ထားတဲ့ “Thriller” အယ်လ်ဘမ်ကို ဖြန့်ချိနိုင်ခဲ့ပါတယ်။

Ref:etcanada

The post ကွယ်လွန်သူအဆိုတော် မိုက်ကယ်ဂျက်ဆင်ကို ဂုဏ်ပြုပြီး လမ်းနာမည် ပေးမည် appeared first on ဧရာဝတီ.