ရုပ်ရှင်ဇာတ်ကားများ ရိုက်ကူးရာမှ ပရိသတ်အားပေးမှု ရရှိခဲ့တဲ့ မိုးယုစံ တယောက် အိမ်ထောင်ပြုပြီးနောက်ပိုင်း အနုပညာ လှုပ်ရှားမှုတွေမှာ မတွေ့ရတော့ပါဘူး။ ဒါပေမယ့် မိုးယုစံက ချစ်စရာကောင်းတဲ့ သားလေးတယောက်နဲ့ ပျော်စရာ မိသားစု ဘဝလေးကို ရရှိနေသူဖြစ်ပါတယ်။ သားဖြစ်သူ ကောင်းသိင်္ခမိုးသူကလည်း ပရိသတ်အချစ်ကို ရရှိထားတဲ့ သူတယောက် ဖြစ်ပါတယ်။
မိခင်မိုးယုစံက ချစ်စရာသားရဲ့ လှုပ်ရှားမှုတိုင်းကို ကောင်းသိင်္ခမိုးသူ နာမည်နဲ့ Facebook အကောင့်ဖွင့်ကာ တင်ပေး နေတာ တွေ့ရပါတယ်။ အခုလည်း သားကို ကျောင်းထားဖြစ်ပြီဆိုတဲ့ အကြောင်းနဲ့ ပတ်သတ်ပြီး မိုးယုစံက “သားလေး အသက် ၈ လ အရွယ် PEOPLE IMPACT ကျောင်းလေးမှာ ကျောင်းစထားလိုက်ပါပြီ။ ဒီကျောင်းက အသက် ၆ လ တည်းက စထားလို့ရတာ သားသားကိုတော့ ၈ လမှ စထားခဲ့တာ” ဆိုပြီး ရေးသားထားပါတယ်။
ကလေးတွေကို အရွယ်လိုက် ဖွံ့ဖြိုးတိုးတက်မှုတွေ ရှိစေရန်နဲ့ မိဘတွေပံ့ပိုးရအောင် ဒီလိုကျောင်းလေးတွေမှာ ထားသင့်ကြောင်း၊ အမြဲဂရုတစိုက်နဲ့ ပြုစုပျိုးနေတဲ့ မိခင်တယာက်ဖြစ်တဲ့ အတွက် သားသမီးကို ပြုစုပျိုးထောင်နေတဲ့ မေမေ တွေကိုလည်း မျှဝေပြောကြားပေးတာ ဖြစ်ကြောင်း ရေးသားထားပါတယ်။
မိုးယုစံဟာ သားလေးနဲ့ အတူရှိနေပြီး သားလေးပျော်နေတာကြည့်ပြီး ပျော်ရွှင်နေတာကို တွေ့ရပါတယ်။ မိုးယုစံက အနုပညာနဲ့ ဝေးကွာနေပေမယ့် နှင်းဆီအဖွဲ့သားများနဲ့အတူ အငြိမ့်အဖွဲ့မှာတော့ မင်းသမီးတဦးအဖြစ် ပါဝင်ကပြ ဖျော်ဖြေပေးတာကိုတော့ တွေ့ရပါတယ်။
The post သားလေး ကောင်းသိင်္ခမိုးသူကို ကျောင်းထားလိုက်ပြီဖြစ်တဲ့ သရုပ်ဆောင် မိုးယုစံ appeared first on ဧရာဝတီ.