သြင်္ကန်မင်းသမီးလို့ ပရိသတ် အသိအမှတ်ပြုခြင်းခံရတဲ့ မေသန်းနုက သြင်္ကန်နဲ့စပြီး အနုပညာလောကထဲကို ဝင်ရောက်လာတဲ့အတွက် သြင်္ကန် အမှတ်တရတွေ အများကြီးရှိတယ်လို့ ဆိုပါတယ်။
“သြင်္ကန်နဲ့စပြီး အနုပညာလောကထဲကို ဝင်ရောက်လာတဲ့အတွက် သြင်္ကန်တော့ အမှတ်တရတွေ အများကြီးပေါ့။ သြင်္ကန်မင်းသမီးအနေနဲ့လည်း တော်တော်များများက သတ်မှတ်ကြတယ်။ သြင်္ကန်မိုးနဲ့ ပရိသတ်တွေ အသိအမှတ်ပြုလာကြတယ်။ မဆင့် ဘဝကတော့ သြင်္ကန်နဲ့ မဆင့်က ထပ်တူကြတယ်”
“သြင်္ကန်မိုးကားလေး ယနေ့ထက်ထိအောင်မြင်တာကို မဆင့်ကတော့ ဂုဏ်ယူတာပေါ့။ အနုပညာရသ အကုန်ပြည့်စုံတဲ့ ကားတကားပေါ့။ အဲ့ဇာတ်ကားမှာ ပါဝင်တဲ့ ဇာတ်ဝင်တေးတွေကလည်း ယနေ့ထက်ထိအောင်မြင်တယ်။ ဒီကားလေးက သက်တမ်းရှည်တယ်ပြောရမယ်။ မန္တလေးကတော့ အမှတ်တရတွေ အများကြီးပေါ့။ မန္တလေးမှာ သြင်္ကန်မိုး ရိုက်ခဲ့တယ်”လို့ မေသန်းနုက ပြောပါတယ်။
“သြင်္ကန်မိုးပြီးတော့လည်း ၁၂နှစ်လောက် မန္တလေးမှာပဲ သြင်္ကန်ကျတယ်။ မန္တလေးသြင်္ကန်ကတော့ လမ်းတွေက ကျယ်တယ်။ အခုတော့ မဏ္ဍပ်တွေ သိပ်မရှိတေ့ာဘူး။ ရန်ကုန်မှာလည်း မဏ္ဍပ်တွေ ကျဲတယ်။ တနေရာနဲ့ တနေရာ ဝေးတော့ သိပ်ပျော်စရာ မကောင်းဘူးပေါ့။ ရာသီဥတုတွေကလည်း အရမ်းပူတယ်။ အပူအအေး မမျှတာကြောင့် ကျန်းမာရေးလည်း အထူးဂရုစိုက်ကြပါလို့။ ပရိသတ်တွေ အားလုံးသြက်န်ရေနဲ့အတူ ချမ်းမြေ့ကြပါစေ”လို့ မေသန်းနုက ဆိုပါတယ်။
မေသန်းနုကတော့ သားဖြစ်သူ မင်းသန့်မောင်မောင်ကို အောင်မြင်တဲ့ ဒါရိုက်တာအဖြစ် ပံ့ပိုးပေးသွားမှာ ဖြစ်ပြီး သားရဲ့ ကြိုးစားအားထုတ်မှုကိုလည်း အားရတယ်လို့ ဆိုပါတယ်။
“သားသားက ချင်းတောင်က ပြန်လာပြီး မဆင့်နဲ့ ၃၊ ၄ ရက်တော့ ရှိမယ်။ ပြီးရင် သူတို့ ကိုရီးယားသွားမှာ။ သားသားက သိပ်မပျော်တတ်ဘူး။ အရမ်းအေးတယ်။ အမေ ဖျော်ဖြေရေးသွားရင် သူလိုက်ထိုင်နေတာပဲ။ သြက်န်ပြီးရင်တော့ ငွေဆောင်မှာ ကိုကျေ်ာသူ ရိုက်မယ့် ကားရှိတယ်။ နောက်သားသားတို့ လုပ်နေတဲ့ ကိုရီးယား – မြန်မာ ဖက်စပ်ကား အဲ့ဒါလေး ရှိတယ်။ သားသားက ငယ်လည်း ငယ်သေးတယ်”
“အဖေ၊ အမေရဲ့ အနုပညာမျိုးဆက်ကို သူ့အဖေက ပေးချင်တယ်။ သူ့ကို အောင်မြင်တဲ့ ဒါရိုက်တာ တယောက် ဖြစ်အောင် မိဘတွေက ပံ့ပိုးပေးမှာပါ။ သူကလည်း ကြိုးစားတယ်။ သူရဲ့ ကြိုးစားအားထုတ်မှုကိုလည်း မဆင့်တို့က အားရတယ်”လို့ မေသန်းနုကပြောပါတယ်။
သရုပ်ဆောင် မေသန်းနုက “မူပိုင်ချစ်သူ” ၊ “ပုဂံမှာသာတဲ့လ”၊ “အလင်းဖျော့ကောင်းကင်” ၊ “ချစ်ခြင်း၏အခြားမဲ့၌”၊ “ငါ သူတစ်ပါး ယောကျာ်း မိန်းမ” စတဲ့ ဇာတ်ကားများနဲ့ အကယ်ဒမီဆုများ ရရှိထားသူ ဖြစ်ပါတယ်။
The post သြင်္ကန်မိုး မင်းသမီး မေသန်းနု ပြောပြတဲ့ သြင်္ကန်အမှတ်တရများ appeared first on ဧရာဝတီ.