ဒီဇင်ဘာလအတွင်း ထွက်ရှိလာတော့မယ့် ရုပ်ရှင်များ

၂၀၁၈ ခုနှစ်ရဲ့ ဒီဇင်ဘာလမှာဆိုရင်တော့ Trailer တွေနဲ့တင် ရင်ခုန် စိတ်လှုပ်ရှားခဲ့ရတဲ့ ရုပ်ရှင်ဇာတ်ကားကောင်းတွေကို ရုပ်ရှင်ချစ်ပရိသတ်တွေအနေနဲ့ တဝကြီး ကြည့်ရှုကြရတော့မှာပဲဖြစ်တာကြောင့် ဒီဇင်ဘာလအတွင်း ထွက်ရှိလာတော့မယ့် ရုပ်ရှင်ဇာတ်ကားကောင်းတွေကို ဖော်ပြပေးလိုက်ရပါတယ်။

(၁) Aquaman

DC Comics ဇာတ်ကောင်ဖြစ်တဲ့ Aquaman ကို ရုပ်ရှင်အနေနဲ့ ဒါရိုက်တာ James Wan က ပြန်လည် အသက်သွင်းထား တာဖြစ်ပြီး ဒီဇင်ဘာ ၂၁ရက်နေ့မှာ စတင်ပြသတော့မှာပဲဖြစ်ပါတယ်။

(၂) Mary Poppins Returns

Musical ရုပ်ရှင်တွေ ကြိုက်နှစ်သက်သူတွေအတွက် Disney ကနေ ထုတ်လုပ်ခဲ့တာဖြစ်ပြီး ဒီဇင်ဘာ ၂၅ရက်နေ့မှာ စတင်ပြသမှာဖြစ်ပါတယ်။

(၃) Spider-Man: Into the Spider Verse

DC နဲ့ အပြိုင်ဆက်လက်ထွက်ရှိလာမယ့် Marvel ရဲ့ စူပါဟီးရိုးဇာတ်ကောင်ဖြစ်တဲ့ Spider-Man နဲ့အတူ သူ့ရဲ့ အပေါင်းအပါတွေကို တစုတစည်းတည်း တွေ့မြင်ရမယ့် Animation ရုပ်ရှင်တကားဖြစ်ပြီး ဒီဇင်ဘာ ၁၄ရက်နေ့မှာ ကြည့်ရှုကြရတော့မှာပဲဖြစ်ပါတယ်။

(၄) Mortal Engines

Adventure အမျိုးအစားရုပ်ရှင်ဇာတ်ကားတကားဖြစ်ပြီး ဒါရိုက်တာ Christian Rivers က Philip Reeve ဝတ္ထုရဲ့ မူရင်းနာမည်အတိုင်း ပြန်လည်အသက်သွင်း ရိုက်ကူးထားတာပဲဖြစ်ပါတယ်။ ဒီရုပ်ရှင်ကတော့ ဒီဇင်ဘာ ၁၄ရက်နေ့မှာပဲ ထွက်ရှိလာမှာဖြစ်တယ်လို့ အတည်ပြုထားတာဖြစ်ပါတယ်။

(၅) Bumblebee

Transformers ရုပ်ရှင်တွေရဲ့ မပါမဖြစ် ဇာတ်ကောင်ဖြစ်တဲ့ အဝါရောင်စက်ရုပ်လေးကို မှတ်မိတယ်ဆိုရင်တော့ အခုရုပ်ရှင်ဟာ သူ့တယောက်တည်းအတွက် အဓိကထား ပုံဖော်ထားတာဖြစ်ပြီး ဒါရိုက်တာ Travis Knight က ရိုက်ကူးထားတာဖြစ်ပါတယ်။ ဒီဇင်ဘာ ၂၁ရက်နေ့မှာ ပြသတော့မှာလည်းဖြစ်ပါတယ်။

(၆) Vice

Body Transformation ကိုလိုအပ်သလို ပုံဖော်နိုင်တဲ့ မင်းသားကြီး Christian Bale ပါဝင်ထားတဲ့ ဖြစ်ရပ်မှန် ရုပ်ရှင်ဇာတ်ကားတကားဖြစ်ပြီး ဒါရိုက်တာ Adam McKay က ပုံဖော်ထားတာပဲဖြစ်ပါတယ်။ ဒီဇင်ဘာ ၂၅ရက်နေ့မှာ ကြည့်ရှုကြရတော့မယ့် Drama , Biography ရုပ်ရှင်ကားကောင်း တကားလည်းဖြစ်ပါတယ်။

(၇) Destroyer

Nicole Kidman အဓိကထား ပါဝင်သရုပ်ဆောင်ထားတာဖြစ်ပြီး ဒါရိုက်တာ Karyn Kusama က ရုပ်ရှင်ကို ဘယ်လိုရိုက်ကူးပုံဖော်ထားမလဲဆိုတာကိုတော့ ဒီဇင်ဘာ ၂၅ရက်နေ့မှာ ကြည့်ရှုခံစားကြရမှာပဲဖြစ်ပါတယ်။

Ref : m.ranker.com

The post ဒီဇင်ဘာလအတွင်း ထွက်ရှိလာတော့မယ့် ရုပ်ရှင်များ appeared first on ဧရာဝတီ.