ဘောလိဝုဒ်မင်းသား Irrfan Khan က ပြီးခဲ့တဲ့ ဇွန်လ ၂၄ ရက်နေ့မှာ ပြုလုပ်ခဲ့တဲ့ နိုင်ငံတကာအိန္ဒိရုပ်ရှင် အကယ်ဒမီ (IIFA) ဆုပေးပွဲမှာ “Hindi Medium” ရုပ်ရှင်နဲ့ အကောင်းဆုံးမင်းသားဆုကို ရရှိခဲ့တာကို အသိအမှတ်ပြုခဲ့ပြီး သူ့ဘဝ ခရီးလမ်းတစိတ်တပိုင်းဖြစ်ခဲ့ပေးကြတဲ့အတွက် ပရိသတ်ကို ဇွန်လ ၂၆ ရက်နေ့မှာ ကျေးဇူးတင်စကားဆိုလိုက်ပါတယ်။ အဲဒီဆုပေးပွဲကိုတော့ သူ့ရဲ့ ကျန်းမာရေးအခြေအနေကြောင့် တက်ရောက်နိုင်ခဲ့ခြင်းမရှိခဲ့ပါဘူး။
Neuroendocrine လို့ခေါ်တဲ့ ကင်ဆာရောတမျိုးကို လန်ဒန်မြို့မှာ လာရောက် ကုသမှုခံယူနေရတဲ့ မင်းသား Irrfan က “IIFA နဲ့ ကျနော့် ဘဝခရီးလမ်းတစိတ်တပိုင်းအဖြစ် ရှိပေးခဲ့ကြတဲ့ ကျနော်တို့ရဲ့ ပရိသတ်ကြီးကို ကျေးဇူးတင်ပါတယ်” လို့ Twitter မှာ တင်ခဲ့ပါတယ်။
မင်းသား Irrfan ဟာ သမီးဖြစ်သူကို နာမည်ဂုဏ်သတင်းကြီးမားတဲ့ ကျောင်းမှာ တက်ရောက်နိုင်ရေးအတွက် အစွမ်းကုန် ကြိုးပမ်းခဲ့တဲ့ ဖခင်တဦးအနေနဲ့ “Hindi Medium” ရုပ်ရှင်မှာ ပါဝင်ထားတာပါ။ မင်းသားဟာ အခုလ အစောပိုင်းမှာ ကင်ဆာရောဂါကြောင့် သူ့ဘဝမှာအပြောင်းအလဲဖြစ်ခဲ့ရတဲ့အကြောင်းနဲ့ ခန့်မှန်းလို့မရတဲ့ ရေစီးကြောင်းနဲ့အတူ မျောချင် ရာမျောနေတဲ့ ဖော့ဘူးပေါ်မှာ ရောက်နေသလို ခံစားနေရတဲ့အကြောင်း ဖော်ပြရေးသားထားတဲ့ ရင်ဖွင့်စာတစောင်ကို ရေးသားခဲ့ပါတယ်။
သူ့ရဲ့ လုပ်ဖောင်ကိုင်ဖက်တွေနဲ့ အနုပညာလုပ်ငန်းထဲက သူငယ်ချင်းတွေကတော့ သူနေအမြန်ပြန်ကောင်း စေဖို့ ဆုမွန်ကောင်းတောင်း၊ ဆန္ဒပြုခဲ့ကြပါတယ်။ မင်းသား Irrfan ပါဝင်သရုပ်ဆောင်ထားတဲ့ “Karwaan” ရုပ်ရှင်ကိုတော့ လာမယ့် သြဂုတ် ၃ ရက်မှာ ဖြန့်ချိမှာ ဖြစ်ပါတယ်။ အဲဒီရုပ်ရှင်မှာတော့ ဘန်ဂလောမြို့ကနေ ကိုချီမြို့ကို ခရီးထွက်လာတဲ့ သူငယ်ချင်းနှစ်ဦးရဲ့ လမ်းမကြုံတွေ့ရတဲ့ ဘဝဒုက္ခအဝဝကို ဟာသနှောပြီး ဒရမ်မာပုံစံ တင်ဆက်ထားပါတယ်။
Ref:indiaexpress
The post အိန္ဒိယရုပ်ရှင်ဆုပေးပွဲမှာ အကောင်းဆုံးမင်းသားဆုရရှိခဲ့တဲ့ Irrfan Khan က ကျေးဇူးတင်စကားဆို appeared first on ဧရာဝတီ.