အမေရိကန် နာမည်ကြီး မော်ဒယ် Kendall Jenner ဟာ ဗီတာမင်ဆေးသွင်းခဲ့ရာမှာ ဆိုးရွားတဲ့ ဓာတ်မတည့်ဝေဒနာ ခံစားခဲ့ရလို့ Vanity Fair အော်စကာပါတီကို မသွားခင်မှာပဲ ဆေးရုံကို ရောက်သွားခဲ့ရတယ်လို့ ဆိုပါတယ်။
အသက် ၂၂ နှစ်အရွယ် မော်ဒယ် Kendall Jenner ဟာ မတ်လ ၄ ရက်နေ့က ပြုလုပ်ခဲ့တဲ့ ပါတီကို သွားဖို့ အနက်ရောင် ဂါဝန်တိုနဲ့ လှပနေခဲ့ပေမယ့် The Blast မီဒီယာရဲ့ အဆိုအရ ဗီတာမင်ဆေးသွင်းတဲ့နေရာမှာ အခြေအနေ ဆိုးရွားခဲ့ပြီး ဆေးရုံအထိ ရောက်ခဲ့တဲ့အတွက် အဲဒီပါတီကို တက်ရောက်ခဲ့တာဟာ အန္တရာယ်ကြီးလွန်းတယ်လို့ ဆိုလိုက်ပါတယ်။
သူနဲ့ နီးစပ်တဲ့ သတင်းရင်းမြစ်တွေကတော့ “ကန်ဒယ်ဟာ ပြီးခဲ့တဲ့သီတင်းပတ်ကုန်ပိုင်း အော်စကာပွဲတွေကို တက်ရောက်ဖို့ ပြင်ဆင်ထားခဲ့ပေမယ့် ဗီတာမင်ဆေးသွင်းမှုမှာ ဆိုးရွားတဲ့ ဓာတ်မတည့်မှုကို ခံစားခဲ့ရပါတယ်” လို့ ပြောပါတယ်။
The Blast ရဲ့အဆိုအရ Kendall ဟာ ဗီတာမင်ဆေးသွင်းမှုအတွက် ဓာတ်မတည့်မှုကို ကုသဖို့အတွက် Beverly Hills မှာရှိတဲ့ Cedars Sinai ဆေးရုံကို သွားရောက် ဆေးစစ်ခံခဲ့ရတယ်လို့ဆိုပြီး ခဏအကြာမှာပဲ ဆေးရုံက ပြန်ဆင်းလာ ခဲ့တယ်လို့ သိရပါတယ်။
သူ ဆေးရုံကို ရောက်သွားခဲ့တဲ့ အသေးစိတ်အချက်အလက်တွေနဲ့ ပတ်သက်လို့ မသိရသေးပေမယ့် မတ် ၄ ရက်နေ့ ညမှာ Beverly Hills မှာရှိတဲ့ Wallis Annenberg စင်တာမှာ ပြုလုပ်ခဲ့တဲ့ Vanity Fair ပွဲမှာ ပိန်ပိန်ချပ်ချပ်နဲ့ ထူးခြားစွာ ကြည့်ကောင်း နေခဲ့ပါတယ်။ Kendall ဟာ သူ့ကိုသူ ကျန်းမာရေးအလွန်စိုးရိမ်သူလို့ ခေါ်ဆိုထားပြီးတော့ ခန္ဓာကိုယ် ပြည့်ဖြိုးလာစေရေး စတင်မှု အတွက် လိုအပ်နေပြီလို့ ဝန်ခံထားပါတယ်။
သူက “ကျမ ကလေးဘဝတုန်းက ကျန်းမာရေး အရမ်း စိုးရိမ်တဲ့သူတဦး ဖြစ်ခဲ့ပါတယ်။ တော်တော်ဆိုးဆိုးရွားရွား ကျန်းမာရေးအတွက်ကို စိုးရိမ်နေခဲ့ရတာပါ။ ဒါပေမယ် အခုတော့ ဝဝကစ်ကစ် ကောင်မလေးဖြစ်ဖို့ ကျမကြိုးစားရပါမယ်” လို့ ပြောပါတယ်။ ဒါ့အပြင် သူဟာ စိုးရိမ်ပူပန်မှုနဲ့ ရင်ဆိုင် ရုန်းကန်နေရပေမယ့် အကောင်းမြင်အတွေးနဲ့ပဲ အကောင်းဆုံး ကြိုးစားနေထိုင်တယ်လို့ ဆိုပါတယ်။
Ref; Contactmusic
The post Vanity Fair အော်စကာပါတီ မသွားခင် ဆေးရုံရောက်သွားခဲ့တဲ့ မော်ဒယ် Kendall Jenner appeared first on ဧရာဝတီ.