မိန်းကလေးတွေ သဲသဲလှုပ် အားပေးကြတဲ့ ပျိုတိုင်းကြိုက်နှင်းဆီခိုင် အဆိုတော် Justin Bieber နဲ့ Selena Gomez တို့ရဲ့ ဒီတခါတော့ အချစ်ရေးဟာ သေချာခိုင်မာပုံ ရပါတယ်။
အသက် ၂၃ နှစ်အရွယ်၊ ကနေဒီယမ် အဆိုတော် Justin နဲ့ Disney အဆိုတော်ဟောင်း Selena တို့ကို ပြီးခဲ့တဲ့ ဖေဖော်ဝါရီလ ၁၉ ရက်နေ့တုန်းက ဂျမေကာ (Jamaica) နိုင်ငံလေဆိပ်မှာ အတူ တွေ့လိုက်ရပါတယ်။ သူတို့နှစ်ယောက် အခုလို ခရီးထွက်လာရတဲ့ အကြောင်းအရင်းကလည်း ချစ်ဖို့ကောင်းပါတယ်။
အချစ်ဇာတ်လမ်း ပြန်စနေကြတဲ့ သူတို့ ချစ်သူနှစ်ဦး ဂျမေကာနိုင်ငံကို ရောက်နေတဲ့အကြောင်းအရင်းက Justin ရဲ့ အဖေ Jeremy Bieber ရဲ့ လက်ထပ်ပွဲကြောင့် ဖြစ်တယ်လို့ ပရိသတ်တဦးရဲ့ အကောင့်မှာ ဖော်ပြထားပါတယ်။ Selena ဟာ ချစ်သူရဲ့ ဖခင်အတွက် နိုင်ငံကနေ ထွက်ပြီး ခရီးထွက်လာခဲ့တာဟာ အရမ်းချစ်ဖို့ကောင်းတယ်လို့ ထင်မြင်မိကြောင်း အဆိုပါ ပရိသတ်က ဆိုပါတယ်။
Jeremy ဟာ ဇနီးဖြစ်သူ Chelsea Robelo ကို ၂၀၁၆ ခုနှစ်၊ ဖေဖော်ဝါရီလတုန်းက St. Barths မှာရှိတဲ့ အချစ်တံခါးဝမှာ ချစ်ခွင့်ပန်ခဲ့ပြီးနောက် လက်ထပ်ခဲ့ကြတာ ဖြစ်ပါတယ်။ Selena ဟာ Jeremy ရဲ့ သူငယ်ချင်းတွေနဲ့ သတို့သမီးရဲ့ မိသားစုတွေနဲ့အတူ ရိုက်ကူးထားတဲ့ ဓာတ်ပုံမှာလည်း ပါဝင်ခဲ့ပါတယ်။ “Wolves” သီချင်း အဆိုတော် Selena ဟာ မိတ်ကပ်နည်းနည်းပဲ လူးထားပြီး သူ့ရဲ့ အနက်ရောင်ကေသာနဲ့ ကြည့်လို့ လှနေခဲ့ပါတယ်။
Justin နဲ့ Selena တို့ ချစ်သူနှစ်ဦးဟာ ချစ်သူများနေ့တုန်းက Montage ဟိုတယ်မှာ ညစာအတူ သုံးဆောင်နေခဲ့ကြတာ တွေ့ခဲ့ရပြီး အခုလို ဂျမေကာခရီးစဉ်မှာ အတူတူ ထပ်တွေ့လိုက်ရတာဖြစ်ပါတယ်။ Justin Biber ကို ဂျင်းန်ဂျာကင်နဲ့ sneaker ဖိနပ် ဝတ်ဆင်ထားတာ တွေ့ရပြီး Selena ကိုတော့ Justin ရဲ့ဘေးမှာ အတူပူးကပ်နေတာကို တွေ့ခဲ့ရတာပါ။
“သူတို့ (Justin နဲ့ Selena) ကို အတွင်းမှာရှိတဲ့ ခုံတန်းတခုပေါ်မှာ နှစ်ဦးသား ထိုင်ခဲ့ကြတယ်။ သူတို့ နှစ်ဦးက တော်တော်လေး ပျော်နေပြီး အခြေအနေ ကောင်းနေတဲ့ ပုံပါပဲ” လို့ သူတို့နှစ်ဦးကို တွေ့မြင်ခဲ့သူတဦးက ပြောပါတယ်။ အနက်ရောင်ဝတ်စုံ၊ အပေါ်ရုံအကျီနဲ့ အနက်ရောက်ဖိနပ်အပါးကို ဝတ်ဆင်လာပြီး သက်တောင့်သက်သာရှိစွာ နဲ့ ညစာကို အတူ သုံးဆောင်နေခဲ့တာ ဖြစ်ပါတယ်။
သတင်းရင်းမြစ်တခု အဆိုအရ “Selena ဟာ ချစ်စဖွယ် မျက်နှာထားလေးနဲ့ Justin ရဲ့ဆံပင်လေးကိုလည်း ပုတ်သပ် နေတယ်၊ သူတို့ဟာ အရမ်းကို ရင်းရင်းနှီးနှီး စကားပြောခဲ့ကြပြီး အစားအသောက် တချို့ကို မှာရင်း ရယ်မောနေခဲ့ကြတယ်။ သူတိုဟာ ဘေးချင်းယှဉ်ထိုင်၊ စကားတွေ ပြောပြီး အတော် ပျော်ခဲ့ကြပါတယ်” လို့ ဆိုပါတယ်။
Ref ; aceshowbiz
The post Justin Bieber နဲ့ Selena Gomez တို့ရဲ့ အချစ်ရေး ဒီတခါ သေချာ ခိုင်မာသွားပြီလား appeared first on ဧရာဝတီ.