မော်ဒယ် Hailey Baldwin ဟာ အဆိုတော် Justin Bieber နဲ့ ရင်သွေးယူဖို့ မစောင့်နိုင်တော့ဘူးလို့ ပြောဆိုလိုက်ပါတယ်။ အသက် ၂၂ နှစ်အရွယ် မော်ဒယ် Hailey ဟာ မကြာသေးခင်တုန်းက ကနေဒါပေါ့ပ်အဆိုတော် Justin Bieber နဲ့ လက်ထပ်ခဲ့ပြီး အခုတော့ မိသားစု တခုကို တနေ့မှာ ထူထောင်ပြီး စတင် စဉ်းစားနေပြီလို့ ဝန်ခံပြောကြားလိုက်ပါတယ်။
သူက “ကျမ ကလေး ချစ်တတ်တယ်။ ကျမ ကိုယ်ပိုင် ရင်သွေးလေးကို မွေးဖို့ မစောင့်နိုင်တော့ဘူး။ အခုတော့ တကယ့်ကို နီးကပ်နေပြီလို့ ကျမ ပြောနိုင်ပါတယ်” လို့ ပြောဆိုခဲ့ပါတယ်။
အသက် ၂၄ နှစ်အရွယ် အဆိုတော် Justin နဲ့ ဆက်ဆံရေးဟာ အရင်က သူကြုံတွေ့ခဲ့ရတာထက် ပိုပြီးတော့ ပြင်းထန်လာပြီလို့ ဆိုလိုက်ပါတယ်။ ပြီးတော့ စိတ်ဖိစီးမှုတွေကနေ ကင်းလွတ်ဖို့ လူမှုကွန်ရက် မီဒီယာတွေကိုလည်း မသုံးတော့ဘူးလို့ ပြောဆိုလိုက်ပါတယ်။
Vogue Arabia မဂ္ဂဇင်းနဲ့ ပြောဆိုရာမှာ သူက “ကျမက လူမှုကွန်ရက်မီဒီယာပေါ်မှာ အချိန်ဖြုန်းတာနည်းပါတယ်။ အဲဒီဟာ ဒီလိုဘဝမှာ ရှင်သန်နေထိုင်ဖို့ အရာရာတိုင်းနဲ့ သာတူညီမျှဖြစ်ဖို့ ကျမကို ကူညီပေးပါတယ်” လို့ ဆိုပါတယ်။
နာမည်ကြီးမိသားစုမှာ မွေးဖွားခဲ့ရသူဖြစ်ပြီး ဟောလိဝုဒ်စတား Alec Baldwin ရဲ့တူမ Hailey က သာမန်ကလေး ဘဝမျိုးကိုသာ နှစ်ခြိုက်တယ်လို့ ဆိုပါတယ်။
သူက “ကျမ သာမန်ကလေးဘဝနဲ့ ဆယ်ကျော်သက် ဘဝတွေကို ရရှိခဲ့ပါတယ်။ ကျမ ၁၉ နှစ်မတိုင်ခင်အထိ ကျမကိုယ်ကျမ အသိအမှတ်ပြုတာမျိုး မလုပ်နိုင်ခဲ့ပါဘူး။ တက္ကသိုလ်တက်တာမျိုးလို ဘယ်တုန်းကမှ မလုပ်ခဲ့တဲ့ သာမန်အလုပ်တွေကို လုပ်လာနိုင်ခဲ့ပြီး အချိန်ဘယ်လို ဆွဲရမယ်၊ အချိန်မီ ဘယ်လိုပြီးစီးရမယ်၊ ဘယ်လိုတာဝန်ယူ တာဝန်ခံရမယ်ဆိုတာကို ၁၇ နှစ်လောက်ကတည်းက စပြီးသင်ယူနေခဲ့ပါပြီ”လို့ပြောကြားခဲ့ပါတယ်။
ဒါ့အပြင်သူ့ရဲ့ ချစ်သူဟောင်း Shawn Mendes ကလည်း Justin နဲ့အချစ်ရေး သာယာဖြောင့်ဖြူးစေဖို့ ဆုတောင်းပေးခဲ့ပါတယ်။
Shawn က “ကျနော် Hailey ကို ဂုဏ်ပြုပါတယ်ဆိုပြီး စာပို့ခဲ့တယ်။ ကျနော် သူတို့အတွက် တကယ်ပျော်ပါတယ်။ သူဟာ အခုထိ အေးချမ်းဆုံး လူတယောက်ပါ။ သူဟာ ရုပ်ရည်ချောမောတဲ့ သူတယောက်တော့ မဟုတ်ပေမယ့် ကျနော် ကြုံဖူးတဲ့ အထဲမှာ အလှပဆုံး နှလုံးသားပိုင်ရှင် ဖြစ်ပါတယ်”လို့ ပြောကြားခဲ့ပါတယ်။
Ref: asiaone
The post Justin Bieber နဲ့ ရင်သွေးယူချင်နေပြီ ဆိုတဲ့ Hailey Baldwin appeared first on ဧရာဝတီ.