အဆိုတော် Justin Bieber နဲ့ Selena Gomez တို့ရဲ့အချစ်ရေးဟာ လမ်းခွဲတဲ့အဆင့် အထိ ရောက်သွားပြီလား ဆိုတာ မေးခွန်းထုတ်စရာ ဖြစ်လာပါတယ်။ “Love Yourself” သီချင်းအဆိုတော် Bieber ဟာ Newport ကမ်းခြေမှာရှိတဲ့ ရွက်လှေ တစင်းပေါ်မှာ အခြားမိန်းကလေး တဦးနဲ့ တပူးတွဲတွဲ ရှိနေခဲ့တာကို မြင်တွေ့ခဲ့ ကြပါတယ်။
X17online မီဒီယာကနေ ရရှိခဲ့တဲ့ ဓာတ်ပုံတွေမှာ ဆိုရင်တော့ ကနေဒါ ပျိုတိုင်းကြိုက် နှင်းဆီခိုင် Bieber ဟာ နီယွန်ရောင် အပေါ်ဝတ်အကျီနဲ့ အနီရောင် ဘောင်းဘီတိုတို့ကို ဝတ်ဆင်ထားတာ မြင်တွေ့ပြီး ပနားမား ဦးထုပ်ကို ဆောင်းထားတဲ့ Biber ဟာ နေဝင်ချိန်ကို ကြည့်တဲ့ အပျော်စီး ရွက်လှေ တစီးပေါ်မှာ သူ့အဖွဲ့နဲ့အတူ ပါလာတာ ဖြစ်ပါတယ်။
အခြားဓာတ်ပုံ တခုမှာဆိုရင် Bieber ဟာ အမည်မသိ မိန်းကလေးတဦးရဲ့ ဦးခေါင်း နှိပ်နှယ်ပေးတာကို ခံယူနေတဲ့ပုံတွေ တွေ့ရပြန်ပါတယ်။ အဲဒီ မိန်းကလေးဟာ သူ့ရဲ့ ဦးခေါင်းကို လက်ချောင်းလေးတွေနဲ့ ထိုးဖွနေခဲ့တာ ဖြစ်ပြီး သူမဟာ အနက်ရောက် ရှပ်အကျႌ ဝတ်ဆင်ထားတာ တွေ့ရပါတယ်။ အခုလိုမျိုး အဆိုတော် Bieber ဟာ Selena နဲ့အချစ်ရေး ခေတ္တရပ်ဆိုင်းနေချိန်မှာ အခြားမိန်းကလေး တဦးနဲ့ အတူသွား၊ အတူလာတွေ့ရတာဟာ ဒါပထမဆုံး အကြိမ် မဟုတ်ပါဘူး။
ဒီ့အရင်မှာလည်း အဆိုတော် Craig David ရဲ့ ဖျော်ဖြေပွဲကို မော်ဒယ် Baskin Champion နဲ့အတူ တွဲပြီး တက်ရောက် လာခဲ့တာ တွေ့မြင်ခဲ့ရပြီး သူတို့နှစ်ဦးဟာ ဖျော်ဖြေပွဲ တခုလုံးမှာ တော်တော်လေး ပျော်ရွှင်နေခဲ့ကြတာ တွေ့ရပါတယ်။ Baskin ရဲ့ ညီမဖြစ်သူဟာ Bieber ရဲ့သူငယ်ချင်း Patrick Schwarzenegger နဲ့တွဲနေသူ ဖြစ်ပြီးတော့ ဒီဖျော်ဖြေပွဲ ပြီးတဲ့နောက် အခြားသူတွေနဲ့အတူ Bieber ရဲ့ Beverly Hills မှာရှိတဲ့ အိမ်ကို ပျော်ပျော်ပါးပါး ညအိပ်ဖို့ သွားခဲ့ကြပါတယ်၊
အဲဒီလိုမျိုး ညအိပ်ညနေ ပျော်ပါးနေကြပြီး ရက်အနည်းငယ်အကြာမှာပဲ Baskin ကို Bieber ရဲ့ အိမ်မှာ ထပ်တွေ့ခဲ့ ကြရပြန်ပါတယ်။ သူူ့အိမ်မှာ ၃ နာရီလောက်ကြာပြီးတဲ့နောက် Baskin ဟာ သူ့ကားဆီကို လမ်းလျှောက် သွားချိန်မှာပဲ Bieber ဟာ သူ့ရဲ့ Lamborghini ကားနဲ့ ထွက်ခွာသွားခဲ့ပါတယ်။
ဒါပေမယ့် သတင်းရင်းမြစ်တခုရဲ့အဆိုအရ Bieber နဲ့ Baskin တို့က တွဲနေတာမဟုတ်ဘူးလို့ဆိုပါတယ်။ ဒါ့အပြင် အသက် ၂၄ နှစ်အရွယ် Bieber က Selena ကို မေ့မရသေးဘူးလို့ ဆိုပါတယ်။ တချိန်လုံး Selena အကြောင်းပဲ စဉ်းစား တွေးတော ပြောဆိုနေတယ်လို့ ဆိုပါတယ်။ Selena နဲ့ Bieber တို့ အချစ်ဇာတ်လမ်းက လုံးဝ မပြီးဆုံးသေးဘူးလို့ ဆိုပါတယ်။
ဆက်စပ် သတင်းလင့်ခ် – အချစ်ရေး ခေတ္တ ရပ်ဆိုင်းနေပေမယ့် ရေမြေခြားမှာ အခြားသူနဲ့ ဖက်လှဲတကင်းလုပ်နေတဲ့
Ref : aceshowbiz
The post ရွက်လှေပေါ်မှာ အခြား မိန်းကလေးတဦးနဲ့ အတူတွဲ တွေ့နေရပြန်တဲ့ Justin Bieber appeared first on ဧရာဝတီ.